هوسات الشاعر الأحوازی حسین الزبیدی
جربت اول صدیج ال چنت اعده ابحسبتی
لو طلبت اعیونه تسهل ما یخیب نیتی
تدری اشگلی سمعته ابیوم گتله ابحاجتی
های آخر مره ادگ بابی
رحت لثانی ابهمه او گلت یعدل مایلی
العوز من لچنی اعله چهفه و طحت بلهم مبتلی
طلع و امدنگ الهامه و ارده من الاولی
بس ما شتمنی او طگیته
لثالث رحت یعضای لاچن گاطع الضنه
بس چه جربیت اثنین الثالث گلت اجربنه
منهم طلع حسب الضن او صدگ لو ردت منه
ما یبخل لو راس اولیده
یذبح نوگ للخطار حاتم گالاو ابکرمه
او طفل لو ما رضع ویاه ما یرضع سدر امه
البی تنوجد هیچ اطباع حتی الگبر لو طمه
حاتم طی گالاو بیامه
یذبح نوگ للخطار حاتم گالاو ابیومه
و اذا ما صح حطب لنار حتی ایچیم اهدومه
معناهه الکرم بلذات او های الچلمه مفهومه
مو کلمن گام ایسویهه
المغرض من نشدته و الحامی
هفت تنور گلبک و الحامی
الیملک ریش صاگر ولحیمی
(ضل ایطیر و ایحاوم علیه)
المغرض اجانی ابهمه نشدنی و سئال عن ضیمی
رجع فرحان من گتله حزن چلچل علی غیمی
الیملک ریش ضل صاگر و شفته ابعینی الحیمی
(طایر و ایحوم اشمعناهه)
